أوراق التقديم للدبلومة العامة

الأوراق اللازمة للدبلومة العامةا(تربوي)

حابدأ معاكم بأسهل الأوراق و بعدين  الصعب

1 – صورة البطاقة

2 – عدد  6 صور شخصية مقاس  4 * 6

3 – أصل المؤهل الدراسي ( لو مش معاك ابدأ اعمل مستخرج من شئون الطلبة في الكلية )

4 -  اصل شهادة الميلاد ( لو مش معاك ابدأ اعمل مستخرج  من القسم اللي تابع ليه ب 7 جنيه أو من مركز المعلومات في ستانلي بس أغلى شوية )

5 – صورة  من شهادة التجنيد ( لو مازلت في الجيش حتجيب إفادة انك في الجيش و يتم اعفاءك من حضور المحاضرات )

مواعيد الدبلومة العامة

مواعيد الدبلومة 

أسئلة كتيرة بتتسأل عن المواعيد طيب انا باشتغل اعمل ايه ؟ ايه المحاضرات اللي فيها حضور ؟ طيب انا لو غبت محاضرة يحصل حاجة ؟

من النهاية كدة باقولك

المحاضرات من الساعة 4 و المحاضرة في الغالب ساعة واحدة بس ممكن يكون فيه عندك 3 محاضرات في اليوم . . يعني تعمل حسابك و تعملي حسابك تمشي من الكلية 8

طيب أساسي الحضور ؟

الحضور في التدريس المصغرو في طرق تدريس أساسي و محاضراته مرة في الاسبوع لحد الساعة 8

طيب باقي المواد ؟

بيكون حسب الدكتور فيه دكتور بيقول لازم حضور عشان الدرجات و فيه دكتور بيكتفي ببحث تعمله عشان درجة العملي و فيه دكتور تاني يقولك حل أسئلة الكتاب .

طيب هما كام محاضرة ؟

التيرم الاول 7 مواد بس 9 محاضرات لأن فيه مادتين فيهم عملي يعني ممكن 4 أيام في الاسبوع أو 5 حسب الجدول

الهدف من الدبلومة العامة

الهدف من الدبلومة

أحب أقول للي بيفكر يعمل دبلومة تربوي أن الطلاب حتلاقيهم متقسمين 4 أقسام

1 -  خريج جديد مش لاقي فرصة عمل :

          دة بيكون عاوز يعمل دبلومة عشان عشان يلاقي فرصة في التدريس حاقوله ربنا يوفقك بس لازم في الأول تتأكد عن مهارات التدريس عندك عشان ماتظلمش نفسك و الأحسن تدرب نفسك في الأول على ابن أخوك – ابن الجيران – القرايب و كدة يعني

و دة طبعا لأن مصاريف الدبلومة غالية شوية

2 – مدرسين شغالين بالفعل في مجال التعليم لكن مش في مدرسة :

           بنقول له ادخل الدبلومة و أكيد حتستفيد من بعض مواد معلومات تفيدك في شغلك آه صحيح هي المواد كتير عالفاضي بس حتطلع منها بكام مادة كدة ظريفة و حلوة و تفيدك زي طرق تدريس و تدريس مصغر و المناهج بس لازم تشوف في الاول ان عامل ايه عشان تعمل لنفسك خطة كدة للي حتعمله بعد الدبلومة .

3 – مدرسين شغالين بالفعل في مدارس خاصة أو حكومي :

         بنقول له معلش يا صاحبي انت مجبر تعمل دبلومة عشان الشهادة بس بردو حاول تستفيد قدر المستطاع من خلال علاقات و خبرات زمايلك  لأنك كدة كدة مضطر ليها فحاول تستفيد

4 – طلبة و طالبات زهقوا من الجلوس فترة فى البيت بدون عمل